وكالات//

فخطوة اللي ممكن تبدل بزاف فـ علاج سرطان الثدي، علنات الشركة البريطانية “أسترازينيكا” على نتائج مشجعة ديال دواء تجريبي سميتو “كاميزسترانت”، واللي بيّن أنه كيقدر يخرّج تطور المرض لأكثر من ستة شهور مقارنة مع العلاجات اللي كاينة دابا.

وخلال عرض النتائج فـ المؤتمر السنوي ديال الجمعية الأمريكية لعلم الأورام السريري  (ASCO)  اللي كاين فـ شيكاغو، قالت الشركة أن المرضى اللي خداو “كاميزسترانت” مع أدوية خرا، عاشو فـ المتوسط 16 شهر بلا ما يتفاقم المرض، مقارنة مع 9.2 شهور فقط عند الناس اللي خداو العلاج الكلاسيكي، حسب ما قالت وكالة “بلومبرغ”.

هاد الدواء خدام كعلاج هرموني، كيتصدّى لهرمون الإستروجين وما كيخليهش يرتابط بالخلايا السرطانية، وبهذا كيحبس نموها وانتشارها.

وكتأمل شركة “أسترازينيكا” أن هاد الدواء يكون استراتيجية علاج جديدة لفئة معينة من الناس اللي عندهم سرطان الثدي.