الرئيسية > آش واقع > وصفو بالتخربيق السياسي على غياب الملك.. بنكيران رئيس الحكومة السابق: سيدنا ديما كيحكم ومتبع من أي بلاصة ومنبقاوش نتبعو كلام صحافة أجنبية معادية وها قصة اتصالو من الهند بيا مع الفجر
30/09/2022 17:30 آش واقع

وصفو بالتخربيق السياسي على غياب الملك.. بنكيران رئيس الحكومة السابق: سيدنا ديما كيحكم ومتبع من أي بلاصة ومنبقاوش نتبعو كلام صحافة أجنبية معادية وها قصة اتصالو من الهند بيا مع الفجر

وصفو بالتخربيق السياسي على غياب الملك.. بنكيران رئيس الحكومة السابق: سيدنا ديما كيحكم ومتبع من أي بلاصة ومنبقاوش نتبعو كلام صحافة أجنبية معادية وها قصة اتصالو من الهند بيا مع الفجر

كود الرباط//

شهادة حية لرئيس حكومة سابق، لي هو عبد الاله بنكيران، الأمين العام الحالي لحزب العدالة والتنمية، هضر فيه على كلام واللغط لي تقال حول غياب الملك وهضرة غليظة حول تأثير داكشي على السير العام للمؤسسات.

بنكيران وضح بلي الملك ديما كيشتغل ومن اي مكان، وحكا واحد المرة عيطلو من الهند حول فضيحة مقاطعة أذاء فواتيس أمانديس من طرف مجلس جهة طنجة تطوان الحسيمة، وكشف ما على المكالمة لي دارت بين وبين الملك لي كان ديك الساعة فالهند.

وقال بنكيران في ندوة صحافية الاربعاء الماضي، بمقر حزبه، “باش منبقاوش مخربقو واحد كيقول مع مو واحد كيقول مسافر، ماشي شغلنا يكون فين ولا شنو، هو الملك كيسير، واش هادشي كيتقال فزمن ديال الزوم والفايسبوك وو”.

وتابع “واحد النهار فيقني مع الفجر، باقي ما صليت، واخد عليا داكشي لي وقع في طنجة، وانا مع مدهشر بالنعاس، معرفتش باش نجاوب سيدنا، ومن فاش صليت عاودت اتصلت به وشرحت ليه بلي داكشي لي واقع فطنجة سبابو هو الياس العماري لي قال بانه مغاديش يخلص فاتورة الجهة”. (كيهضر على مشكل امانديس واحتجاجات ساكنة طنجة ف2015).

وخاطب بنكيران المغاربة بالقول :” عندك ملاحظات وكتقول بغيتي الملك يكون فالمغرب حتا حنا بغينا، ولكن يلا هو مجاش راه هو عارف علاش، وملي تيبغي يقول شي حاجة كيقولها وكيدير بلاغ وها الصحة ديالي، ولا ينسب للساكت قول”.

وأضاف بنكيران :”واش نبقاو نتبعو داكشي لي كتقول الصحافة الاجنبية المعادية، وخص المغاربة ينتبهو، ونهار يقول لينا سيدنا شي حاجة غايقولها لينا”. مشيرا بلي “الدولة كتمشا وعندنا ملاحظات وبغينا اصلاحات واخا تكون دستورية”.

وزاد بنكيران :”عبد المومني كيتكلم وشي شويا كيبالغ ولكن كنتافقو معه فشي اصلاحات دستورية، لأنه ميمكنش نبقاو هكا”.

وتابع :”الملك مقدس تحيدات وهي من الثقافة الفرنسية هوما لي عندهم الملك مقدس “، مذكرا بكيفاش تحيدات هاد القداسة من دستور فسياق حراك 20 فبراير.

موضوعات أخرى

04/12/2022 18:12

معهد الشرق الأوسط الأمريكي كيحذر من تداعيات التوتر المتزايد بين المغرب والجزائر واحتمال تطور الأمور  إلى مناوشات عسكرية

04/12/2022 17:20

وشوفو لي كنتساينوهم يكونو نموذج فاحترام القانون.. سيارة ديال البرلمان مركونة فوق الطروطوار وسادة الطريق كدام وزارة العدل (صورة)

04/12/2022 14:32

روح “العائلة” الودادية كتحلق بالأسود لصناعة التاريخ فمونديال قطر. بيها شفنا إنجاز 86 كيتعاود وسرها كلشي مقتنع غادي يمشي بعيد بمجموعة الركراكي فهاد الحدث العالمي