كود سبور//

قربو الرجاء الرياضي من حسم موضوع المدرب الجديد للفريق اللي غاياخد بلاصة البوسني روسمير سفيكو، المقال بسبب النتائج السلبية ومستوى الخضرا تحت الاشراف ديالو.

وكشفت مصادر رجاوية لـ “گود” أن المكتب المديري للنادي برئاسة عادل هالا قرب يحسم فهوية المدرب الجديد ديال الرجا، وغايكون أجنبي بنسبة كبيرة والإعلان على الاسم ديالو قريب وماشي بعيد يكون خلال ساعات.

ومتحفظين الرجاء الرياضي بزاف على شكون المدرب اللي كايفاوضوه، فالوقت اللي وضحت المصادر أن الأمر كايتعلق بثلاثة أجانب واحد منهم غايكون مدرب للفريق واستبعدت خيار المدرب المحلي.