كود – كازا ///

قالت جورنالات صبليونية، أن شخص كيحمل الجنسية المغربية هاجم، نهار الأربعاء 17 أبريل الحالي، 2 ديال ضباط الشرطة الإسبانية بمصلحة الحدود داخل المطار، ومارس عليهم العنف، قبل توقيفو وصدور أمر قضائي بإيداعه السجن ف انتظار المحاكمة ديالو.

وأضافت التقارير الإخبارية، أن الواقعة طرات ف تيرمينال رقم 2 ف المطار. ولحد الآن باقي المصالح الأمنية المختصة ما علناتش على الأسباب الحقيقية ديال الواقعة اللي سالات مبدئيا بفتح تحقيق ف مواجهة الجاني من أجل تهمة ممارسة العنف ف حق ضباط إنقاذ القانون.

وعرف هاذ المطار الإسباني ، في الشهرين الفايتة، مشاحنات بين طالبي اللجوء المغاربة والشرطة الإسبانية، بالإضافة إلى حراگة من بلدان أخرى. كما دفعات هاذ الأحداث بالوزير فرناندو گراندي مارلاسكا، إلى الإعلان عن التباحث حول إمكانية تطبيق ڤيزا ديال الطرانزيت ف المطارات لمنع الاحتيال في تقديم طلبات اللجوء والحماية الدولية.