كود الرباط//
علمت “كود” من مصدر مطلع أن هياكل مجلس المستشارين، كتعرف بلوكاج وصراعات كبيرة بين الفرق البرلمانية، خصوصا بعدما تدخل أمين عام حزب الاستقلال لفرض اسم عليه تقرير أسود وسبق عفا سيدنا من المسؤولية في أحداث الحسيمة.
وكيتعلق الامر حسب مصادر “كود”، بلحسن حداد للي سبق جاء فيه بيان قاسح للديوان الملكي عقب الزلزال السياسي المرتبط بأحداث الحسيمة سنة 2027، بحيث أنه فرضو نزار بركة باش يكون ف منصب الخليفة ديال رئيس مجلس المستشارين.
بخصوص وضعية حداد لي بغا يفرضو بركة فمنصب نائب رئيس مجلس المستشارين، وحسب مصادر “كود” فراه برلمانيين كثر فالبام رافضينو وغادين يصوتو ضدو.
وكان بيان الديوان الملكي سنة 2017، قال بأن الملك محمد السادس قرر تبليغ “عدم رضاه” عن مسؤولين آخرين تقلدوا مسؤوليات في الحكومة السابقة، مؤكدا أنه لن يتم إسناد أي مهمة رسمية لهم مستقبلا، وهم وزير التعليم السابق رشيد بلمختار بنعبد الله، ووزير السياحة السابق لحسن حداد، ووزير الشباب والرياضة السابق لحسن السكوري، ووزير الثقافة السابق محمد أمين الصبيحي، بالإضافة إلى كاتبة الدولة المكلفة بالبيئة سابقا حكيمة الحيطي.
سيدنا كيقول مخصش اسناد اي مهمة لهادو، لكن هاد المسؤولين فالاحزاب باغين لحسن حداد لي فشل فملف الدبلوماسية الموازية يحطوه فمكتب مجلس المستشارين. اييه حداد لي عمرو كان استقلالي وجا من الحركة الشعبية لحزب الاستقلال في اطار الترحال السياسي، اليوم بركة للي ديما كيقصي اطر استقلالية جاب هذا حيث خدام به ضد تيار الصحراء.
هاد الفضيحة كتزاد لفضايح اخرى متعلقة بإقصاء النساء في تركيبة وهياكل المجلس، خصوصا في ظل تمسك كبار الأعيان والملايرية في هياكل المجلس، وكولشي شاف كيفاش عبد السلام بلقشور داير روينة وسط الفريق الاشتراكي وطالب بمنصب رئيس الفريق ولا غايدير انقلاب فالتصويت.
