وكالات//

بان السفير الصبليوني فبلجيكا ألبرتو أنطون، وهو ناعس شوية خلال خطاب وزير الخارجية ديال اسبانيا خوسيه مانويل ألباريس في المؤتمر السنوي اللي كانو فيه سفراء.

هاد الغفوة ديالو تسبّبات فإقالتو من المنصب ديالو، حيث الوزير ألباريس قرر يعزلو من الخدمة مباشرة من بعد ما عرف بالحادثة.

القرار ديال الوزير واجه انتقادات كبيرة، حيث الجمعية ديال الدبلوماسيين الصبليونيين، اللي كتشمل أغلب المسؤولين فالسلك الدبلوماسي، عبرات على رفضها لهد التصرفات.

وزير الخارجية الإسباني، ألباريس، معروف بلقب “نابليون الصغير” فالمجتمع المحلي، حيت كيتهموه بتوجهات ديكتاتورية وخلق جو ديال الترهيب داخل الوزارة. وكان سبق ليه عزل سبعة من المسؤولين الكبار فوزارة الخارجية حيث قال عليهم أنهم “أساءوا ليه”.

ورغم أن وزارة الخارجية الإسبانية ما أكداتش خبر الإقالة ديال أنطون بشكل رسمي، إلا أن وسائل الإعلام المحلية قالت إن القرار ديال الفصل ديالو تم اتخاذه نهائيًا وغادي يتم الإعلان عليه من بعد ما ياخدو موافقة من السلطات البلجيكية.