كود كازا ///

شوهد وزير خارجية اسرائيل يائير لابيد هاد الظهر كيتغدى عند ريسطو بنت الطاشرون المعروف الجامعي اللي مشاركة مع شي مغاربة من الديانة اليهودية. يتعلق الامر وفق مصدر “كود” بريسطو “ميلك اند هوني” اللي كاينة فحي راسين الكازاوي. ووفق شاهد عيان عاود ل”كود” فالريسطو كانت مطوقة بالحراسة الامنية. بل حتى القهوة اللي كاينة فالقنت والقريبة منها كانت عامرة امنيين.

واوضح شاهد عيان ان حراس رئيس الديبلوماسية الاسرائيلية كلهم اسرائيليين وكانو مسلحين وما كان حداه حتى شي حد. المسؤول الاسرائيلي اللي كيقوم بزيارة رسمية للمغرب هي الاولى لمسؤول من الدولة العبرية بعد عودة العلاقات بيننا وبينهم٬ تغدى مع فطابلة فيها 4 جوج عيالات وشي شاب وهو. كان ديكونطراكتي ولكن اللي داير بيه كان كلشي متوتر. كنهدرو على الحراس

بعد هاد لغدا يتوقع يمشي يدور فالمدينة لقديمة قبل ما يدير شي لقاء صحافي ويمشي للمطار باش يرجع لتل ابيب.