كود الرباط//
عبد اللطيف وهبي، وزير العدل، أكد مجددا بلي صوت حداثي داخل الحكومة، وعبر على الرغبة ديال فتجريم مطالبة لوطيلات للكليان بعقد الزواج قبل مايدخلو.
وهبي قال اليوم فلقاء نظماتو المندوبية الوزارية لحقوق الإنسان حول حصيلة فحص التقارير الوطنية للمملكة المغربية المقدمة للآليات الأممية لحقوق الإنسان، بلي مخصش لوطيلات طلب من الكليان عقد الزواج، وهادشي غبن فالقانون.
وشدد وهبي بلي مجرد سؤال الكليان حول شنو بغا يدير فلوطيل جريمة.
وحسب ما جاء في هسبريس، فإن وهبي طالب باش يتم الغاء مطالبة الكليان بعقد الزواج، وقال :”كيفاش يمكن نسول جوج بالغين مسؤولين ونقوليهم معندكمش الحق دخلو لوطيل حقاش معندكمش عقد الزواج”، مؤكدا بلي هاد السؤال راه جريمة لإن كتقرر بلي هادو لي جاو لوطيل باغين يديرو جريمة.
