كود – كازا ///

قالت تقارير إعلامية، أن وزير النقل الصبليوني، أوسكار بوينتي، غادي يبدا اليوم الاثنين، زيارة لبلادنا، باش يتعرف على مشاريع تطوير البنية التحتية اللي كتضمن شبكة واسعة من خطوط السكك الحديدية على المستوى الجهوي والضواحي وعالية السرعة، وهو المجال اللي كتمتع فيه الشركات الإسبانية بقدرات وخبرة فنية كبيرة.

وأضافت التقارير ذاتها، أن الوزير الإسباني غاد يتلاقى بالوزير بن عبد الجليل وغاد يناقش معاه القضايا ذات الاهتمام المشترك، وكذا موافقة المغرب على خطة بقيمة 45 مليار يورو حتى عام 2050، يُفسح فيها المجال للشركات الإسبانية.

وزادت المصادر نفسها، أنه الوزير الإسباني غاد يعقد اجتماع مع الوزير نزار بركة، اللي غيناقش معاه القضايا المتعلقة بالتعاون بين موانئ البلدين ومصالح الشركات الإسبانية.، كما سيزور غدا الثلاثاء، المقر الرئيسي لشركة “Alsa” ف كازا..