هشام أعناجي ـكود الرباط//
قال محمد الصديقي، وزير الفلاحة والصيد البحري والتنمية القروية والمياه والغابات، بلي “الشناقة” تسببوا في ارتفاع الأسعار بعدد من الأسواق.
وفي حديث مقتضب مع “كود” عقب نهاية أشغال لجنة القطاعات الإنتاجية بمجلس النواب، أكد الصديقي بأن اختلاف الأثمنة بين الأسواق الممتازة والأسواق العادية يعود أساسا لـ”الشناقة”، مشيرا بلي هاد المنظومة ديال التسويق خصها تحديث.
“كود” سولات الصديقي علاش مثلا فمرجان أو أي سوق ممتاز كتلقا الأثمنة هابطا مقارنة مع الأسواق العادية (الرحبة)، وجاوب بلي هاد الأسواق الممتازة كتبيع الكسيبة المستوردة من الخارج وكيعلقو الأثمنة عكس الأسواق الأخرى.
الأسعار بأحد الأسواق الشعبية مثلا فالرباط ارتفعت بـ200 في المائة مقارنة مع العام لي فات، في حين أسواق ممتازة الارتفاع غير بـ10 فالمائة.
وحسب معطيات وزارة الفلاحة هاد العالم كاين العرض بـ 7.8 مليون رأس ، منها 6.3 مليون خروف و1.5 مليون ماعز.
وكالة إيفي دارت ربورتاج وقارنت بين الأثمنة، وخدا تصريح من مستهلك فواحد سوق شعبي لي قال بلي: “ضاعفت الأسعار ثلاث مرات في عام واحد. نفس الخروف الذي اشتريته في عام 2022 بسعر 1350 درهمًا يبلغ الآن 3900 درهم.
الحكومة كتعترف على لسان وزير الفلاحة بلي مقدراتش تواجه الشناقة، وخاصها وقت كبيرة باش تصلح نظام التسويق ديال المنتجات الفلاحية عموميا، نفس المشهد تكرر فسياق ارتفاع الأسعار ديال الخضر خصوصا ماطيشا كيتكرر مع الحولي.