كود الرباط//

قال عبد اللطيف وهبي، وزير العدل، في تصريح جديد ومثير حول إشكالية ولوج “لي كوبل” للفنادق، بلي “باش تسول مواطنين على البطاقة الوطنية وعلى عقد الزواج لا يمكن ان يكون تلقائيا حتى يكون فحالة شبهة أو فمكان وقوع جريمة”.

وشدد وهبي، لبارح فلقاء تلفزي فقناة الاولى، بالقول :”لي غادي يسائلو هو رجل الأمن، ماشي موظف الفندق”، مضيفا :”مساءلة شخص على وثيقة خاصة هي من اعمال السيادة لا يجوز للغير أن يسألك عنها .. موظف الفندق لا صفة له”.

وأوضح وزير العدل :”اعمال السيادة لا تفوض. عامل فندق لا صفة له ولكن يجي يسولو واش مزوج ولا لا ماشي من حقو ومخالف للقانون وفيها عقوبات تصل لـ3 اشهور وغرامات”.

وتابع :”لا يهمني للي كيمشيو لوطيل يديرو علاقات خارج الزواج لأنهم عندهم امكانيات يمشيو لشي بلاصة اخرى، ولكن كيهمني المواطن لي عندو علاقة شرعية وكينساو الوثائق ديالهم وممنوع يدخلو”.