كود الرباط//
قال عبد اللطيف وهبي، وزير العدل، بلي مطالبة الفنادق لشهادة الزواج من المغاربة قبل ولوج الفندق مخالف للقانون، مؤكدا بلي “للي كيطلب هاد الوثيقة فلوطيل راه كيخالف القانون “.
وأضاف وهبي: “ملي كاطلب وثيقة من مواطن كتمس بالحياة الخاصة، يلا مكانش كينص عليها القانون، مثلا مرا غضبانة كتمشي لوطيل وكيسولوها واش ساكنا فنفس المدينة”، مشددا: “مكاينش سند قانوني لهادشي، اذن لي كيطلب هاد الوثائق خصو يتابع قضائيا”.
وانتقد وهبي استمرار مطالبة بعض الإدارات لشهادة الحياة من المواطنين، مؤكدا بأن منذ مجيئه قام بتحديث طلب بعض الوثائق من وزارة العدل عن طريق الأنترنت دون المجيء إلى الإدارات والمحاكم.
وقال وهبي، اليوم بمجلس المستشارين: “مجموعة من الوثائق معندها تا قيمة، أروعها وأجملها فاش توقف قدام شي إدارة ويطلبو منك شهادة الحياة، هادي عمرني فهمتها”.
