كود الرباط//
قال عبد اللطيف وهبي، وزير العدل، بأنه “مكاينينش طواليطات ديال العيالات فالمحاكم بالمغرب، كاينين غير ديال رجال”.
وأوضح وهبي، خلال اجتماع لجنة العدل والتشريع وحقوق الإنسان، صباح يوم الثلاثاء 19 شتنبر 2023، المخصص لدراسة مشروع قانون رقم 10.23 يتعلق بتنظيم وتدبير المؤسسات السجنية، :”الذكور عندهم طواليتات والعيالات معندهمش فالمحاكم، وخاص مساعدة اجتماعية باش تكون مساندة للمعتقلة”.
وأضاف وزير العدل :”واحدة معتقلة لتحت فالمحكمة ويلا جاتها العادة الشهرية خصها مساعدة الشهرية.. المرا كتوقف الجلسات لمدة طويلة ومكتقدرش تقول للقاضي بغيت نمشي للطواليت ولا عندي غذر (لذلك درت طبيبات فالمحاكم)..”.
وتحدث وهبي كذلك على معظلة الاعتقال الاحتياطي، مشيرا بأنه كاين مشكل في توفير الامكانيات لذك، وقال بلي العقوبات البديلة غادي يخفض شويا.
واوضح وهبي بأنه كيوجدو بناية خاصة للمعتقلين الاحتياطيين فكازا ولكن التكلفة كبيرة، مشيرا كذلك بلي السجون الفلاحية فيها بهعض الورشات، تتميز بانه شبه مفتوحة ولكن هاد ها نوع ديال السجون فيه جوج مشاكل، امكانية المساحة لي خصها تكون كبيرة والقدرات البشرية.
