الرئيسية > آش واقع > وزير الطاقة: ساعدنا 4 شركات تابعة لـ”لاسامير” باش تحرك..وأسعار المحروقات عادية فالمغرب
01/06/2020 19:30 آش واقع

وزير الطاقة: ساعدنا 4 شركات تابعة لـ”لاسامير” باش تحرك..وأسعار المحروقات عادية فالمغرب

وزير الطاقة: ساعدنا 4 شركات تابعة لـ”لاسامير” باش تحرك..وأسعار المحروقات عادية فالمغرب

هشام اعناجي ــ كود الرباط//

كشف وزير الطاقة والمعادن، عزيز رباح، إنه فتح التواصل مع شركات تابعة لـ”لاسامير” وتمت مساعدتها لكي تشتغل.

وقال رباح، خلال لجنة اجتماع لجنة البنيات الأساسية اليوم الاثنين 1 يونيو، إن “لاسامير عندها 4 شركات  تابعين لها، منها شركة للتوزيع  وشركة للتخزين وشركة للنقل وشركة التكرير،  كلها عاونها تشتغل.

وأوضح رباح أنه “لو لم يحكم القاضي مكانش عندنا الحق نتدخلو”.

وأفاد المتحدث بأن مصالح وزارته تبحث عن آبار التخزين كانت تستعملها “لاسامير” لكن “ملقاوش” وفق تعبيره.

وأفاد الوزير أن “أثمنة المحروقات اليوم، نتكلم ما بين 6 دراهم و7 دراهم للتر الواحد، إلى حيدنا الضرائب للي كتاخد الدولة ب 3 دراهم يعني كتبقا 3 دراهم ولا 4 دراهم”.

واعتبر الوزير أسعار المحروقات بالمغرب اليوم بأنها عادية.

الدولة كانت قررت تكري منصات التخزين ديال لاسامير لي قدرة ديالها 2 مليون متر مكعب ولي بامكانها تغطي  الحد الادنى من حاجيات البلاد من النفط لي هو 60 يوم ولي مازال مقدراتش الشركات الخاصة تغطيه.

لاسامير كانت كاتغطي 60 بالمائة من حاجيات النفط الوطني وكانت مخدمة الناس ومدورة الحركة فالمحمدية.

يشار الى أن المصفاة تبنات في الخمسينات في شراكة مع شركة ايطاليا باش المغرب اضمن الامن الطاقي ديالو.

موضوعات أخرى

04/07/2020 14:22

العافية اللي شعلات بواحة آيت منصور.. المياه والغابات استعنات بمروحيات والمساحة اللّي كلاتها العافية وصلات لـ34 هكتار

04/07/2020 13:00

وا مارك دير خدمتك وعيق وفيق! طل شوية على الفيسبوك بالعربية راه ولا فضاء سايب ديال الدعششة والعنصرية ونشر الكراهية والتمييز بين الناس بالعلالي وأنت فدار غفلون !