الرئيسية > آش واقع > وزير الصحة: ها علاش ما فتحناش التيرانات وبقاو 4 مليون مغربي خصهم يتلقحو باش نوصلو للمناعة الجماعية
19/11/2021 18:30 آش واقع

وزير الصحة: ها علاش ما فتحناش التيرانات وبقاو 4 مليون مغربي خصهم يتلقحو باش نوصلو للمناعة الجماعية

وزير الصحة: ها علاش ما فتحناش التيرانات وبقاو 4 مليون مغربي خصهم يتلقحو باش نوصلو للمناعة الجماعية

كود الرباط //

قال خالد ايت الطالب وزير الصحة والحماية الاجتماعية، إن المغرب محتاج  تلقيح 60 تال 70 في المائة من الساكنة، أي 28.5 مليون مواطن ومواطنة. بذلك بقا تقريبا 4 مليون مغربي خصو يتلقح.

فهاد 4 مليون، حسب ما صرح به وزير الصحة مساء اليوم، كاينين أشخاص كيرفضو التلقيح وأشخاص آخرين عندهم أمراض وخايفين، مشددا بلي التلقيح كيحمي الجميع وان الناس لي مدايراش اللقاح تشكل خطر حتى على الملقحين.

وفهاد السياق عبر وزير الصحة عن شكره لوزارة الداخلية لي كادير مجهود وتوفر لمصالح وزارة الصحة المعطيات وتعاونها لاستمرار عملية التلقيح.

َشدد الوزير بلي غايستمرو ف عملية التلقيح وبأنه متبوعين بالجرعة الثالثة بالنسبة للفئات الهشة خصوصا. مضيفا “الموجة الجديدة كتهددنا ومبغيناش توصلنا أعراضها الجانبية.”

وبخصوص استمرار غلق مدرجات  الملاعب أمام الجمهور، قال الوزير بلي غادي يتحلو بالتدرج ولكن مخصناش توقع لينا انتكاسة.

موضوعات أخرى

30/11/2021 13:20

نقابة “السي دي تي” كتطالب الحكومة بتعجيل فتح حوار اجتماعي ثلاثي الأطراف وكاعية على التراجع اللي وقع ف مرحلة العثماني وبنكيران

30/11/2021 13:00

مسافرون دوزو ساعات كحلة قبل ما يبدا تطبيق قرار تعليق الرحلات الجوية ف اتجاه المغرب.. شي بقا حاصل وشي شرا البيي ب4 دالمرات ثمنو