عن الصباح ///

جاواب محمد مهدي بنسعيد، وزير الشباب والثقافة والتواصل، على واحد السؤال فمجلس النواب حول الوضعية ديال الشباب اللي كيعانيو من البطالة وقلة الفضاءات، وقال بلّي الحل هو “نعطيوهم فضاء للألعاب الإلكترونية”.

الوزير قال هاد الكلام بنوع من الثقة، بحال إلى لقَا الحل السحري لمشاكل الشباب، وبدَا كيهضر على إطلاق مشروع كبير بشراكة مع القطاع الخاص والجماعات المحلية باش يديرو مراكز خاصة بالألعاب الإلكترونية فمختلف المدن كتبت يومية “الصباح”.

هاد التصريح خلا بزاف ديال الناس يقارنو كلامو مع داك القولة الشهيرة ديال زوجة لويس السادس عشر، اللي قالت للفلاحين الجياع: “ما عندكمش الخبز؟ كولو الكعك!”.

الناس شافو فهاد الجواب واحد النوع من الاستهتار بمعاناة الشباب اللي كيقلبو على الخدمة، السكن، والكرامة.

الوزير زاد وقال بلّي الألعاب الإلكترونية تقدر تكون حلّ لمشكل الملل، وتعاون على تنمية المهارات الرقمية.

واش فعلاً الوزير بنسعيد كيهضر بصح؟ ولا غير باغي يدوز الجلسة غابجيب الفم وقول؟ هادي هي الأسئلة اللي ولات كاتتطرح بزاف فوسائل التواصل الاجتماعي بعد هاد التصريح.

تفاصيل كثر ف”الصباح”