وكالات//

وزير الخارجية البريطاني جيمس كليفرلي طلب من المشجعين ديال كرة القدم المثليين ديال بلادو يتصرفوا بلباقة في كأس العالم ويحترمو الدولة لي غادي تنظر المسابقة العالمية.

وقال وزير الخارجية لبريطاني في حوار مع “إل بي سي” بأن قطر عبرات على الرغبة ديالها باش تستاضف كاع الناس بلا تمييز وهنا راه كتقصد حتى المثليين، لي هوما بدورهم خاصهم يبينو شوية المرونة ويقبلو بالحلول الوسط.

وزير الخارجية لبريطاني قال إنه كيحاول يخلي المواطنين ديال بلادو يدوزو إقامة مزيانة في قطر بلا ما يتعرضو لأي تمييز، وهادشي علاش طلب منهم باش يحترمو قطر كدولة إسلامية وثقافتها مختلفة على ثقافة بريطانيا.

المثليين ديال بريطانيا كانو قالو بأنهم خايفين ليتعرضو لأي مشكل في قطر، واعترضو أنه تكون دولة عربية ومسلمة هي لي منظمة الحدث.