كود الرباط //

موضوع ديال خارطة المغرب بلا صحراؤو وصلات للبرلمان. البارح الاثنين 10 فبراير 2025 سول برلماني حزب الاستقلال بسطات المصطفى القاسيمي لبارح فجلسة فالبرلمان. قال لعز الدين الميداوي وزير التعليم العالي والبحث العلمي والابتكار : “اش غادي ديرو فهاد الشي السيد الوزير” وهدر على موضوع الخارطة اللي بانت فندوة بسطات،

لفضيحة ان الوزير تفادى يهدر على هاد الموضوع وما جبدوش. بقى كيجر فالكلام الخاوي الفارغ على الاحياء الجامعية فتقنية غبية كيديروها السياسيين باش يتهربو من سؤال محرج. لكن البرلماني الاستقلالي ماركا عليه بيت. سولو وكانت الجلسة على “الاولى”. ناقلاها التلفزيون. الخاسر سياسيا واعلاميا هو الوزير وحزبو. بان كيتهرب.

فهاد الفيلم كيبان الوزير كيحمي رئيس جامعة الحسن الاول فسطات. هاد الرئيس هو المسؤول الاول على استدعاء الاردنية من اصل سوداني للندوة اللي وقع فيها هاد الفيلم. خطأ بحال هادا خايب. دار فمؤسسة مفروض فيها الجدية.