كود الرباط//

قال محمد سعد برادة، وزير التربية والتعليم الأولي والرياضة، بلي نموذج مدرسة الريادة ناجح، وبلي النتائج والتقييمات الدولية والوطنية تؤكد ذلك، وحتى الهند موصلتش للنجاح اللي حققت مدرسة الريادة.

وأوضح برادة، خلال مناقشة مشروع الميزانية الفرعية لوزارة التربية الوطنية مساء اليوم بلجنة التعليم بمجلس المستشارين، بلي فالتعليم الابتدائي ومدارس الريادة، درنا 626 مدرسة ريادة العام لي فات، مدارس ريادة تبداو ب6 اسابيع الاولى التمارين وكيعطي نتائج ايجابية وهاد النتائج ماوصلتاش ليها الهند”.

وتابع برادة :”هادشي مكاينش فدول كثيرة، بيسي بورطابل مع بروجيكتور فالابتدائي، حتى الاستاذ الضعيف أصبح في مستوى اعالي ويتبع الدرس بتقينات ويفهم التلميذ دقة دقة”.

وأوضح برادة :”خدينا تلاميذ مدرسة الريادة وتلاميذ المدرسة العادية، ودرنا 100 سؤال، التلاميذ ديال الريادة جاوبو على 60 سؤال، في حين تلاميذ المدرسة العادية جاوبو على 40 سؤال فقط”.

وشدد المتحدث بأن ثلثين تاع التلاميذ لي كيتخرجو من الابتدائي وغادين للإعداد مكيعرفوش يحسبو ويقراو ولا الفرنسية، ودبا غايقراو ويراجعو ويتعلمو فمدارس الريادة فالإعدادي”.

وأشار الوزير بأن الهدر المدرسي كاين بزاف فالإعدادي خصوصا الذكور، موضحا :”التلميذ لي مكيعرفش مثلا الرياضيات ملي كيدخل للحصة كيمل، داكشي لاش درنا الرياضة المسرح والفن وممكن يمشي مزيان فهاد الفنون”.