كود الرباط//
قال رياض مزور، وزير الصناعة والتجارة، بأن هناك بعض التجار كيديرو ممارسات ديال المضاربة والاحتكار قبل رمضان، لذلك كاين حرص من الحكومة باش تراقب السوق والتوزيع والكم ديال المنتجات.
وأوضح مزور، اليوم الثلاثاء، في جلسة الأسئلة الشفوية بمجلس المستشارين، بلي السوق حرة اي الاسواق مفتوح حيث “كاين لي كيخزن باش يخبيو وتكون زيادة فالاسعار ولكن كنمشيو ليهم نشوفو واش التخزين صالح وشروط السلامة ونلقاو حلول باش نتصداو لهاد الممارسة”.
وتابع الوزير: “بعض المواد لي عليها طلب كبير قبل رمضان، مثلا كيطلع الثمن دبا ديال ماطيشا حيث المركز عليه الطلب، وناس لي كيديرو المركز كيشريو بزاف ماطيشا”.
وشدد الوزير بلي “اللحم فيه اشكال كبير لأن القطيع ديالنا تراجع ب50 فالمائة وكثر، وغلاء اللحوم المستوردة. كنديرو جهد باش نوفرو اللحم بمثن مناسب لجميع المغاربة”.
وأكد الوزير بلي الإرادة السياسية كاينا فمحاربة المضاربات، وكاينا المراقبة على الكبار قبل الصغار.
