الرئيسية > آش واقع > وزير الإدماج الاقتصادي لـ”گود”: دخلنا مرحلة جديدة فهاد الحكومة وطوينا صفحة السياسات السابقة وبدينا بتشغيل 250 الف مغربية ومغربي
22/11/2021 17:30 آش واقع

وزير الإدماج الاقتصادي لـ”گود”: دخلنا مرحلة جديدة فهاد الحكومة وطوينا صفحة السياسات السابقة وبدينا بتشغيل 250 الف مغربية ومغربي

وزير الإدماج الاقتصادي لـ”گود”: دخلنا مرحلة جديدة فهاد الحكومة وطوينا صفحة السياسات السابقة وبدينا بتشغيل 250 الف مغربية ومغربي

هشام أعناجي – الرباط //

قال يونس السكوري، الإدماج الاقتصادي والمقاولة الصغرى والشغل والكفاءات، في تصريح ل”گود” حول شنو كيقصد بكلامو على فشل السياسات العمومية السابقة واش حكومة العثماني أو لي قبل منو، (قال) بأن “لمرحلة كانت فيها أزمة كوفيد والهدف ديالي ماشي نقول هذا نجح وهذا فشل لأنه لا يفيد في شيء”.

وأوضح السكوري ل”كود” :”حنا مسؤولين وطنيين الهدف ديالنا هو كيفاش سياسة التشغيل تحقق أهدافها”، مشددا “حنا ف مرحلة جديدة لأن الوضعية الاقتصادية العالمية الحالية جديدة وخصنا سياسات عمومية فعالة وهادشي لي بدينا به عبر جوج برامج مهمة، أوراش وبرنامج فرصة لي غادي يناطلق ف بداية سنة الجديدة”.

وأكد السكوري بلي هاد المشروع ديال المغرب كامل وخصنا كاغلبية ومعارضة وجميع الاطياف نتظافرو الجهود باش نجحو.
يشار إلى أن المجلس الحكومي صادق الخميس الماضي ، على مشروع يهم خلق 250 الف فرصة عمل.

وأوضح يونس السكوري، وزير الادماج الاقتصادي والمقاولة الصغرى والشغل والكفاءات،  أن “ظروف الجائحة وفقدان عدد من المواطنين وعاشو ظروف صعبة، فرض علينا اليوم منتسناوش حتى تمشي الأزمة، لذلك درنا هاد الورش لي كيهم خلق 250 الف فرصة شغل مؤقتة”.
هاد البرنامج لي صادقات عليه الحكومة موجه لناس لي معندهمش فرصة عمل، بقيمة 2.25 مليار درهم، وغايكون هاد فرص الشغل محلية وجهوية.

البرنامج غايكون مؤقتا حتى يتحسن الاقتصاد الوطني ويتعافا من الأزمة ديال كورونا.

موضوعات أخرى

28/11/2021 18:00

في الأحياء الشعبية المجرم كيحتارموه ويدافعو عليه ونهار البوليس يجيو يشدوه, كيخبيوه ويعاونوه يهرب وكيلقاو ليه ألف مبرر لأي جريمة دار ويشهدو معاه في المحكمة وعند البوليس وفي اللخر ينشكاو من الإجرام