عن السي ان ان ////

واش الامارات العربية المتحدة غادية ترد على ايران؟ بعد قصف هاد الاخيرة لدبي وابو ظبي بصواريخ ودرونات وقتلات على الاقل واحد فابو ظبي. هاد السؤال سولاتو السي ان ان لوزيرة وزيرة الدولة للتعاون الدولي، ريم الهاشمي.

هاد الاخيرة قالت باللي ابو ظبي تقدر تلجأ ل”دور أكثر حزما” إذا استمرت إيران في إطلاق الصواريخ والطائرات المسيّرة على أراضيها.

وقالت باللي بلادها مستعدة للدفاع على نفسها وباللي ما غادياش تبقى الامارات مكتوفة الايدي ضد هاد الهجوم

الوزيرة اكدات باللي الكورة دابا عند الايرانيين. ايلى ضربو الامارات غادية دافع على راسها، واشارت باللي بلادها عندها “أحد أفضل أنظمة الدفاع الجوي الصاروخي في العالم، ونبذل قصارى جهدنا لضمان سلامتنا وأمننا. نحن في منطقة آمنة ذات بنية تحتية قوية للغاية… ولن ندخر جهداً لضمان استمرار هذا الوضع لجميع مواطنينا والمقيمين على حد سواء”.

وزارة الدفاع الاماراتية كانت قالت البارح باللي ايران رسلات ليها “ما لا يقل عن 137 صاروخاً باليستياً و209 طائرات مسيّرة على الإمارات” وباللي عترضاتها كلها باستثناء 14 طائرة مسيّرة أصابت أهدافها.