الرئيسية > ميديا وثقافة > وزراء وسياسيون ومشاهير حضرو لاوركسترا “سمفونيات” وماكاين غير النشاط
06/09/2019 17:00 ميديا وثقافة

وزراء وسياسيون ومشاهير حضرو لاوركسترا “سمفونيات” وماكاين غير النشاط

وزراء وسياسيون ومشاهير حضرو لاوركسترا “سمفونيات” وماكاين غير النشاط

نجوى المالحي-كود//

البارح كانت نايضة في حلبة سباق الخيل في كازا لي تم فيها احياء حفل ديال الأوركسترا الفيلهارمونية “سمفونيات” بحضور بزاف ديال المشاهير والوزاراء والسياسيين بحال وزير الداخلية السابق محمد حصاد، ورئيس الباطرونا صلاح الدين مزوار،  ومولاي حفيظ العلمي، وزير الصناعة والاستثمار والتجارة والاقتصاد الرقمي، ورجل الأعمال نور الدين عيوش، وسيرج بيرديگو وزير السياحة السابق ورئيس الطائفة اليهودية بالمغرب، والمخرج المثير للجدل كمال هشكار.

هادو كاملين كيفما عاينات “كود” كانو گالسين حدا بعضياتهم في الجهة الخاصة بالضيوف وشدو الصف الأول، وتفاعلو مع الأغاني الثراتية المغربية لي غناتها كل من نبيلة معن، وسناء المرحاتي، ومحمد العسري ثم نجمة السهرة المغنية الاسرائيلية من أصول مغربية نيطع القايم.

وفي المشاهير لي كانوا گالسين فالسيكسيون vip كان صارم الفاسي الفهري مدير المركز السينمائي المغربي، والراقصة مايا، والمخرج أمير الرواني، والممثلة سامية أقريو.

الحفل جمع 32 عازف مغربي وأجنبي، وكان توم كوهين نجم الحفلة بالتفاعل ديالو مع الموسيقيين لي كانوا أكثر من رائعين.

موضوعات أخرى

18/09/2019 17:00

إلى تدارت انتخابات فالمغرب بحال لي فتونس ويشارك فيها بنكيران لا منتمي لا شك أنه غادي يكتاسح حيت المغاربة طلعو ليهم الأحزاب فراسهم والسياسي الوحيد لي كان عليه إجماع عندهم راه شافوا كاملين كيفاش تخلى عليه حزبو من أجل السلطة