هشام اعناجي ـ كود الرباط//

علمت “كود” من مصدر مقرب من وزير بحكومة عزيز أخنوش، أن عدد من أعضاء الحكومة يرفضون إدماج الطلبة المغاربة العائدين من أوكرانيا بسبب الحرب.

واستغربت قطاعات وزارية لها صلة بوضعية هؤلاء الطلبة، خصوصا وزارات المالية والصحة والشغل، لأن أي إدماج لهذه الفئة في كليات الطب أو معاهد الهندسة، قد يكلف الدولة مصاريف كبيرة وتكاليف باهضة على مستوى اعادة التكوين، مع وجود مخاوف كبيرة من فشل الادماج.

ويرفض عدد من الوزراء أي توجه نحو الادماج، خصوصا في كليات الطب التي يلجها الطلبة المغاربة والافارقة والاجانب عبر مباريات صعبة وبانتقاء المرشحين لولوج الكليات بالحصول على نقط تفوق 17 أو 16.

يشار إلى أن وزارة التعليم العالي والبحث العلمي والابتكار أطلقت منصة إلكترونية أقبل على التسجيل بها 4885 طالبا إلى حدود الأسبوع الماضي، منهم 3744 طالبا، بنسبة 77 في المائة، يتابعون دراستهم في تخصصات الطب والصيدلة وطب الأسنان، بينهم 220 طالبا في طور التخصص. حتا هاد المنصة قرار انفرادي.

وزارة الصحة والحماية والاجتماعية، تستغرب من هاد القرار الانفرادي، حسب مصادر “كود”، هادشي خصو لجنة مختصة يكونو فيه ممثلين عن الوزارة المكلفة بالميزانية وممثلين عن وزارة الصحة وخبراء في الطب ومسؤولين عن الادماج الاقتصادي. هاد الفئة خصها حل ولكن التسجيل فابور وبلا شروط وبلا مباريات. هادو بغاوها باردة. بقا ليهم غير يقولو للدولة وظفنا بلا مباراة راه حنا ضحايا الحرب.

طلبة كليات الطب والصيدلة فالمغرب رافضين هادشي، فحسب التعليقات على مقالات “كود” في صفحتنا على الفايسبوك وصفحة “medlife maroc” التي ينشط فيها طلبة طب وخريجي كليات الطب بالمغرب.

واستنكر عدد من الطلبة في تعليقاتهم توجه وزير التعليم العالي نحو ادماج هذه الفئة، بحيث جا فواحد تعليق :”واش كتفهموا راه ملي الدولة كتخصص واحد العدد ديال المقاعد لكلية الطب راه العملية مكانتش اعتباطية راها كانت بناء على دراسة ديال القدرة الاستيعابية ديال الكلية اولا والمستشفيات لي غادي يكون فيها التدريبات لسطاج. والهدف هو توفير ظروف ملائمة للتكوين الجيد لاطباء الغد. وهدا علاش تيكون العدد قليل بالمقارنة لكليات ومعاهد اخرى وبالتالي يتم اختيار النخبة من ابناء هذا الوطن”.

وأضاف صاحب التعليق :”فالدولة لايكمنا ان تتحمل مشاكل لا دخل لها فيها. فالدراسة الان معطلة في اكرانيا باكملها فحتى الاكرانيون لايدرسون الان في هذه الظروف فيجب الانتظار معهم حتى تتوقف الحرب. وبعد ذلك ينظر في الحل. فعندما طرد المغاربة من الجزائر لم يطلبو من الدولة ان تشغلهم في نفش ما كانوا يقومون به في الجزائر”. ويبلغ عدد الأطباء الذين يغادرون المملكة للعمل في الخارج، ما يقارب 300 إلى 400 طبيب سنويا. و يُقدر عدد الأطر الطبية المغربية التي هاجرت إلى الخارج بأزيد من [7000] طبيب، بحسب إحصائيات تعود إلى سنة 2018. الدول الأوروبية تفتح أحضانها للأطباء المغاربة، وتوفر لهم شروط عمل ورواتب أفضل، بينما في المغرب لا يتعدى الأجر الشهري الذي يبدأ به الطبيب مشواره [8,800]] درهم، وقد يعيَّن في منطقة نائية بدون أي تعويضات إضافية أو تحفيزات.

اوربا كتقلب على خريجي كليات الطب المغربية بالريق الناشف، ولا مجال للمقارنة مع جامعات اوكرانيا.

راه فالمغرب، راه الالاف كيدوزو المباريات فالمغرب وكيتهز عدد قليل، بعض المرات 400 او اقل او اكثر، ونصف فيهم مكيكملش حيث فعامين الاولى كيتغربل النص ديالهم. هادشي مزال موصلناش للتخصص . اذن كيفاش ادماج هادو لي جاو من اوكراينا، جاو من مسار مختلف وقراو بلغة مختلفة.

واخا كاينين خيارات، الوزير البام باغي يدمجهم واخا هادشي كيتناقض مع مبدأ تكافؤ الفرص والمساواة حيث ميمكنش تقارن واحد تقاتل وجاب 17 فالباك ودوز كونكور لكلية الطب مع واحد جاب 10 أو 11 ومشا لأوكرانيا يقرا بالفلوس.

هاد الشعبوية ديال الوزير الميراوي، باغي يرفع من عدد خريجي كلية الطب ونقص عدد السنوات ديال التكوين من 7 تال 6 بلا ميتشاور مع حد، طبعا، سيد باغي يقول بلي هو لي غادي ينقذ المغرب من الخصاص فقطاع الصحة لي كيحتاج كفاءات مكونة ماشي الرفع من عدد الخريجين بسنوات قليلة.

الوزير باغي يتجاوز معدل توفر الأطباء الذي تحدده المنظمة العالمية للصحة المتمثل في 25 طبيبا، بالوصول إلى 26 طبيبا لكل عشرة آلاف نسمة في غضون السنوات الثلاث المقبلة (2025). باش نزلو الحماية الاجتماعية. لكن ماشي بهاد السرعة ماشي بالادماج ديال طلبة اوكرانيا، هادشي خصو استراتيجية واضحة يكونو فيها متدخلين كثر والاستماع إلى القطاع المعني. راه لا علاقة لهاد الوزير بكليات الطب وبالاطباء من غير انه مسؤول على هاد الكليات.

لي زاد كفسها على وزير التعليم العالي، هوما الاسر وأولوياء الطلبة لي جاو من اوكرانيا، خصوصا فاش دخلو سيدنا فهادشي، وطلبو شخصيا يتدخل ويسجل وليداتهم بلا كونكور ولا شروط.