كود كازا ///

“هادا انتصار كبير للديبلوماسية المغربية” هاد العبارة وصف كل من وزيري خارجية الشيلي والبيرو سابقا اعتراف الحكومة الاسبانية بمغربية الصحرا.

الوزيران قالو هاد الشي لديبلوماسي مغربي كيعرفهم مزيان واكدوه ل”كود”.

بالنسبة لهاد المسؤليين فالقرار الاسباني التاريخي يفتح افاق كبيرة للاعتراف بمغربية الصحرا فامريكا اللاتينية. حقاش٬ وفق مصدر “كود”٬ مدريد عندها دور كبير وتأثير واضح على الديبلوماسية فهاد الدول بحكم العلاقات التاريخية والثقافية.

الوزيران السابقان وفق مصدر “كود” كيطلبو من الديبلوماسية المغربية تتحرك بشكل كبير فهاد الدول.

لا البيرو ولا الشيلي اللي ما عمرهم اعتارفو بالبوليساريو. البيرو تراجعات على هاد القرار بعد وصول اليسار الراديكالي للحكم والشيلي وصل كذلك اليسار الراديكالي غير هو مازال ما اعتارفش بالبوليساريو. ممكن دابا يتراجع بعد القرار الاسباني.