الرئيسية > آش واقع > وزارة الفلاحة: الإنتاج الفلاحي مستمر بشكل عادي والسوق فيها كَاع المنتجات الفلاحية والغذائية الكافية وبثمن مناسب
02/04/2020 09:50 آش واقع

وزارة الفلاحة: الإنتاج الفلاحي مستمر بشكل عادي والسوق فيها كَاع المنتجات الفلاحية والغذائية الكافية وبثمن مناسب

وزارة الفلاحة: الإنتاج الفلاحي مستمر بشكل عادي والسوق فيها كَاع المنتجات الفلاحية والغذائية الكافية وبثمن مناسب

عفراء علوي محمدي- كود//

عاودات وزارة الفلاحة والصيد البحري والتنمية القروية والمياه والغابات بللي الإنتاج الفلاحي غيستمر بشكل عادي، مع احترام تام للأجندة المحددة مسبقا، وهذشي اللي غيسمح بتموين مستمر للسوق وبكميات كافية من المواد الفلاحية والغذائية.

الوزارة أكدات، فبلاغ ليها اليوم الخميس، توصلات “كود” بنسخة منو، بللي اتخذات عدة تدابير باش تعزز الإنتاج الوطني وتضمن مستويات مريحة من المخزون، وخصوصا فإطار التتبع اليومي لوضعية السوق الوطني فهذ فترة الطوارئ الصحية اللي علن عليها المغرب بسبب فيروس “كورونا” المستجد اللي حصد أرواح العشرات فالبلاد.

الوزارة صرحات كذلك بللي النشاط الفلاحي غادي يستمر، صوا على مستوى المحاصيل أو فالزراعات الجديدة، وأكدات بللي دابا الأمور مستقرة، وحتى الزيادة اللي عرفاتها مجموعة من المواد الغذائية دابا مابقاتش، ورجعات هذ المواد للثمن ديالها الأصلي.

من جهة خرى، كشفات وزارة الفلاحة بللي مخططات توزيع الزراعات اللي دار فالشتا بالنسبة لبطاطة ومطيشة والبصلة غادي يغطي الاحتياجات الاستهلاكية ديال هذ المنتوجات فأبريل وماي، وكشفات كذلك بللي تم فنهاية مارس زرع 50 فالمية من الزراعات الربيعية، واللي بقا غايتزع فأبريل، وغيغطي الإنتاج، وبللي الزراعات الربيعية والصيفية غادي تغطي فترة ما بين يونيو ودجنبر 2020.

وعلى مستوى تأمين الحبوب والقطاني أكدات الوزارة بللي كيتم فظروف مزيانة، وبللي الواردات من هذ المواد غادي تغطي 4 أشهر، خصوصا الذرة والشعير والقطاني، وشارت بللي كيتم تلبية الطلب المرتفع على هذ المواد فهذ الفترة بشكل كافي، خصوصا الدقيق والسميدة، والمطاحن بدات تشتغل بوثيرة كبر.

وشارت بللي الحالة الصحية دالقطيع مزيانة، وبللي كاتتراقب من طرف البياطرة، وعملية تلقيح الأبقار والأغنام والماعز والجمال مستمرة.

وللحد من تداعيات نقص الأمطار ،وضعات وزارة الفلاحة برنامج لحماية الماشية، كيرتكز على توزيع 5,2 مليون قنطار من الشعير المدعم لفائدة مربي الماشية، بسعر ثابت يبلغ درهمين للكيلوغرام الواحد، وبدات عملية التوزيع ديالو ف29 مارس وفق تنظيم خاص مع اعتماد نظام معلوماتي وتعبئة اللجان المركزية والمحلية للوزارة والسلطات المحلية.

موضوعات أخرى

01/06/2020 16:00

أزمة كورونا فرصة للمغاربة أنهم يسترجعوا بلادهم ويولي من حقهم يشربو بيرة فلاطيراس أو يمارسو الجنس بلا عقد زواج أو يكميو الحشيش قانوني عوض غير الأجانب لي من حقهم أغلب هادشي

01/06/2020 15:18

الاتحاد الأوروبي معاون المغرب على جائحة “كورونا”.. ها شحال اعطا من مليون درهم لاقتناء معدات صحية لدعم جهود مكافحة الفيروس فلحبسات -تصاور