الرئيسية > آش واقع > وزارة الصحة كتجاوب على أسئلة المواطنين: التهوية ضرورية وأشعة الشمس ماكتدير والو للفيروس وها شحال مدة استقرار كورونا فالهوا
05/08/2020 16:30 آش واقع

وزارة الصحة كتجاوب على أسئلة المواطنين: التهوية ضرورية وأشعة الشمس ماكتدير والو للفيروس وها شحال مدة استقرار كورونا فالهوا

وزارة الصحة كتجاوب على أسئلة المواطنين: التهوية ضرورية وأشعة الشمس ماكتدير والو للفيروس وها شحال مدة استقرار كورونا فالهوا

عفراء علوي محمدي- كود//

فالحصيلة الأسبوعية لفيروس كورونا المستجد، قال معاذ المرابط، منسق المركز الوطني لعمليات الطوارئ العامة بوزارة الصحة، أن المختبرات العالمية كانت توصلات أن ارتفاع درجة الحرارة والرطوبة والأشعة ما فوق البنفسحية تقدر تأثر نوعا ما عل  الفيروس، لكن فنفس الوقت الفيروس مازال فارتفاع مستمر، ومزال كينتشر بنفس الطريقة ومازال ناشط واخا ففصل الصيف.

وبالنسبة لمدة استقرار كورونا فالهوا، كيقول المرابط، فجوابو على أسئلة المواطنين، أن المدة كتتراوح بين 3 حتى ل4 ساعات، و”هذشي علاش للتهوية مهمة، والشراجم يبقاو محلولين باش الهوا يتغير داخل الغرف، كيف ننصح بعدم استعمال المكيف إلا إلى تعذر الأمر وكانت الحرارا، هنا نخليو الشراجم محلولين، حيت التهوية ضرورية”، على حد قولو.

وبالنسبة لاحتمال انتقال فيروس كورونا عن طريق الطعام، وهو جد ضعيف ويكاد يكون منعدم، حيت هذا فيروس تنفسي كينتقل عبر القطيرات التنفسية وماشي عن طريق الأكل، ولا وجود لأي حالة تقاصت بالفيروس عن طريق الأكل على المستوى العالمي.

وبخصوص ارتداء الكمامة فالسيارة، سواء كان الانسان بوحدو أو مع العائلة، فهذشي ماشي ضروري، لكن فالمقابل القانون كيلزم ارتداء الكمامات.

بالنسبة للتحليل، فكتوفرها وزارة الصحة مجانا بالنسبة للمرضى والمخالطين، لكن القيام بتحليلة لغرض السفر ضروري كيخص دفع مبلغ تكاليف التحاليل.

موضوعات أخرى

30/09/2020 21:00

الدورة 27 خربقات حسابات المتنافسين على لقب البطولة. الوداد كان أكبر مستفيد منها بعد رجعو فوز عريض للوصافة على بعد نقطة من الرجاء لي تعثر فوجدة