كود الرباط //

قررت وزارة الصحة والحماية الاجتماعية، اعلاق كلينيك بوجدة  بكل مكوناته (المركبين الجراحيين ،العيادات الطبية،أقسام الاستشفاء،المستعجلات ).
وحسب مصدر “گود” فإن هاد الكلينيك كان محط شكايات، وسبق لجريدة “گود” كشفات عن الكثير من الخروقات فيه.

هاد المصحة هي كلينيك المغرب في وجدة، بحيث كاينا شكايات كثيرة على هاد كلينيك بسبب الصراعات بين الشركاء اللي عندهم جنسيات مغربية بعضهم جزائري.

صراعات أدت إلى تخبط في التسيير ومشاكل مالية مع المرضى بالجملة، وزيد عليها عدم الاهتمام بهم خصوصا أن المصحة فيها دار ولادة مشهورة مابقاتش كما كانت في السابق بسبب تصرفات بعض المسؤولين على المصحة.

المخالفات بالجملة، سواء فيما يتعلق بأداءات المرضى اللي فيها شبهات وخروقات، أو مخالفات تعميرية وتغيير بعض معالم البناية داخليا بدون ترخيص السلطات، و زيد عليها هناك شكايات توجهت لوكيل الملك بوجدة فيها ريحة جنائية، بخصوص اجهاض تلقائي ديال واحد المراة اتهمت فيه احد عناصر السيكيرتي فالمحصة ماخلاش تستعمل المصعد واجهضت.

أما بين الشركاء فالمشكل وصل الى درجة كبير، يكون توتر كبير بينهم، يتجلى هذا التوتر في شكايات واتهامات متبادلة وزيارة المفوضين القضائيين كل يوم لإجراء معاينات على الخروقات، الشي اللي اثر على سير المصحة وعلى تقديم خدماتها بشكل جيد طبقا لقواعد المهنة وطبقا لترخيص الدولة للمصحة.