كود – وكالات //

وزارة الدفاع ديال الإمارات علنات اليوم السبت بلي توفا شي واحد من آسيا بسباب لاطاك ديال الدفاعات الجوية لي حبسات الصواريخ الإيرانية لي كانت قاصدة  قاعدة أمريكية كاينة فجنوب العاصمة أبوظبي.

وجا فبلاغ نقلاتو وكالة الأنباء الرسمية “وام”، بلي الإمارات تعرضات لهجوم بصواريخ باليستية إيرانية، والدفاعات الجوية تعاملات معاه وكترصد عدد من الصواريخ ونجحات فإسقاطها.

ووضّحات الوزارة بلي ديشي لي طاح على منطقة سكنية فـأبوظبي سبب خسائر ، وتقتل براني من جنسية آسيوية.

الإمارات معجبهاش هاد الهجوم وقالت بلي استهداف  المدنيين والمؤسسات الوطنية مرفوض بمرة، واعتبراتو تصعيد خطير وتهديد لأمن المدنيين، وضرب لسيادة الدولة والقانون الدولي.

وأكدت الإمارات بلي محتفظة بحقها فـالرد على هاد التصعيد،
ومن جهة أخرى، وكالة فارس الإيرانية قالت بلي 4 قواعد أمريكية كبيرة فالمنطقة تعرضات لهجمات صاروخية  من طرف الحرس الثوري، وتستهدفت منشآت وقواعد أمريكية فـقطر والكويت والبحرين والإمارات.

https://asharq.com/iran/173845/%D8%A7%D9%84%D8%A5%D9%85%D8%A7%D8%B1%D8%A7%D8%AA-%D8%AA%D8%B9%D9%84%D9%86-%D8%A7%D9%84%D8%AA%D8%B5%D8%AF%D9%8A-%D9%84%D8%B5%D9%88%D8%A7%D8%B1%D9%8A%D8%AE-%D8%A5%D9%8A%D8%B1%D8%A7%D9%86%D9%8A%D8%A9-%D9%88%D8%B3%D9%82%D9%88%D8%B7-%D8%B6%D8%AD%D9%8A%D8%A9-%D9%81%D9%8A-%D8%A3%D8%A8%D9%88%D8%B8%D8%A8%D9%8A/