الرئيسية > آراء > وزارة التعليم حادگا بالتصاور فالفايسبوك وكثرة البلاغات ولكن مقداتش تهضر على حرمان طلبة الطب اللي عندهم مقرر رسمي باش يستفدو من منحتو..واش هاد الفئة منسية؟
25/06/2021 08:00 آراء

وزارة التعليم حادگا بالتصاور فالفايسبوك وكثرة البلاغات ولكن مقداتش تهضر على حرمان طلبة الطب اللي عندهم مقرر رسمي باش يستفدو من منحتو..واش هاد الفئة منسية؟

وزارة التعليم حادگا بالتصاور فالفايسبوك وكثرة البلاغات ولكن مقداتش تهضر على حرمان طلبة الطب اللي عندهم مقرر رسمي باش يستفدو من منحتو..واش هاد الفئة منسية؟

هشام أعناجي ـ كود الرباط//

لحد الساعة مزال مامفهومش وزارة التعليم علاش مدارش بلاغ توضيحي على سبب حرمان طلبة الطب السنة السادسة والسابعة في تخصصات الطب العب وطب الأسنان والصيدلة،  هاد الوزارة كادير كثرة البلاغات على اي حاجة واخا تكون مرتبطة بافتتاح مدرسة أو نشاط بسيط دياال الوزير اللي معمر الصفحة فالفايسبوك بالتصاور.

دبا علاش الحكومة دارت تماطل لأكثر من سنة ونصف بدون تنفيذ قرار اللي صدرات، مع العلم أن رئيس الحكومة كيفتاخر بهاد القرار ديال منحتي لهؤلاء الطبة.

هاد الطلبة مساكن تيمشيو يسولو فمصلحة المنح بوزارة التعليم، كيقولو ليهم معندكمش الحق فالمنحة، ودبا شكون كيهين مقرر رسمي منشور بالجريدة الرسمية، واش ماشي هاد وزارة التعليم وهاد الحكومة، حسب ما صرحه به الطلبة لـ”كود”.

باش تاخد المنحة فالمغرب صعيبة، حيث خصك تدفع وثائق وتعمر ملف باش يتقبل ويكون عندك الاستحقاق ديالها وتكون اصلا محتاجها ماديا (يعني ظروف الأسرة ديالك صعيبة)، ولكن الا هاد الفئة محرومة وماشي معقول الحكومة مادير لا بلاغ ولا والو، على الاقل الخطأ اللي دارت والمتمثل في عدم تفعيل المرسوم ديال منحتي.

هاد الطلبة اصلا كيدوزو فظروف صعيبة بزاف، خصوصا عندهم تداريب شاقة فالمستشفيات وبعض المرات كيصيفطهم خارج المدن فاش كيقراو وبالتالي خصهم يكريو والتنقل، واصلا عندهم المنحة وحقهم هذا ولكن الوزارة معطاتهم الفلوس بسبب خطأ فالتدبير.

القصة ومافيها، هو ان القرار ديال المنحة اللي خصها يستفدو منها طلبة الطب السنة السابعة وطلبة طب الصيدلة وطب الاسنان السنة السادسة، اللي خرج فالجريدة الرسمية العام لي فات، ماطبقوهش. والحكومة ساكتة.

هاد الطلبة ماخلاو مادارو، راسلو المسؤولين ولكن بدون جاوب، رغم أنهم عندهم استحقاق ولكن الحكومة معطاتهمش المنحة.

الطالبتين فالطب  سارة القدابي وجيهان الحدادي، من ضمن الطلبة دارو مجهود كبير باش يوصلو صوتهم للمسؤولين، لكن لحد الآن متوصلوش بجواب رسمي، من غير وعود اللي مبقاوش كيأمنو بها، خصوصا وأنه “مكاينش شي قرار واضح من غير قرار اللي خرج فالجريدة الرسمية”.

مور المقال الأول للي نشراتو “كود” على هاد القضية، تفاعلو برلمانيين وطرحو اسئلة، وحتى أن احد البرلمانيين تواصل مع الوزير سعيد امزازي، الاخير وعد باش يحل المشكل.

ولكن الغريب هو أن الوزير امزازي، مدارش تا رد رسمي ولا توضيح، على الاقل يعترفو بالخطأ ويصرفو المنحة للطلبة.

الطالبة سارة، كتقول :”انا ساليت العام السابع ديالي والبرومو اللي صغر مني قريبة تسالي، وانا مشديت والو تاهوما مشدو والو”، مضيفة :”كنقول للسيد الوزير معرفتش علاش التأخر فصرف المنحة هاد العامين”.

تضيف الطالبة لـ”كود” :”حنا فحالنا فحال باقي الكليات، علاش حنا الوحيدين اللي مافيهش نظام الاسلاك، كاناخدو السلك الأول وكتحبس علينا الاسلاك الأخرى، ولكن مور الاضراب اللي درنا تم الانصاف ديالنا ولكن بقينا عام مور المقرر الحكومي اللي وقعاتو وزارتي الصحة والتعليم ف غشت 2019، اللي بقا مجرد حبر على ورق طيلة عام، حيث تسنينا عام عاد خرج فالجريدة الرسمية، وفاش خرج فالجريدة الرسمية كنستناو كثر من سنة ونصف لتطبيقه، ومزال مكاين والو”.

شوفو شحال تسناو وشحال تعذبو نفسيا، سنوات، وفالأخير مخداوش حقهم واخا كاين مقرر رسمي وتصدر فالجريدة الرسمية.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة