كود كازا ///

قال مسؤول مأذون بوزارة الثقافة والاتصال والشباب ل”كود” ان زيارة الوزير بنسعيد لقطر كانت بصفتو كوزير للثقافة. مصدر “كود” اكد باللي بنسعيد لا علاقة له لا بالوكالة اللي دات دارت العلاقات مع الصحافة ولا بالصحافيين اللي تم اختيارهم لحضور عرض ازياء القفطان يوم لاربعا 4 دجنبر 2024 بالدوحة فاطار سنة المغرب فقطر.

مصدر “كود” اكد باللي “لا الوزير ولا الوزارة ما نظمو اي تنقل”. واضاف باللي الوزير سافر نهار لثلاث ورجع بعد النشاط الرسمي

الحدث كان تنظم بمتحف الفن الاسلامي بالدوحة، اللي كان فيه اقصاء لاكبر الصحف فالمغرب واختيار مدراء صحف فرنكفونية محدودة الانتشار بزاف بزاف.

دابا شكون الجهة اللي فرضات هاد الاسماء لنشاط ترأساتو الاميرة لالة حسنا وشي اميرة قطرية