الرئيسية > تبركيك > ورثة “كَوتشي” باغين يدعيو ليكيپ ديال فيلم كيدوي على قصتهم ودافع على اللي قتلات باهم
02/12/2021 02:00 تبركيك

ورثة “كَوتشي” باغين يدعيو ليكيپ ديال فيلم كيدوي على قصتهم ودافع على اللي قتلات باهم

ورثة “كَوتشي” باغين يدعيو ليكيپ ديال فيلم كيدوي على قصتهم ودافع على اللي قتلات باهم

وكالات //

الورثة ديال “كَوتشي” (Gucci) هددو المخرج ريدلي سكوت مول فيلم “هاوس أوف كَوتشي” (House of Gucci) اللي خرج فـ ميريكان نهار 24 نوفمبر 2021، باش يدعيوه حيت بين العائلة ديالهم فالفيلم بطريقة ماشي حتى لهيه.

في القصة ديال الفيلم المذكور، اعتامد المخرج سكوت على أخبار الجرائم اللي وقعات في الطاليان واغتيال ماوريتسيو كَوشي بتدبير من طليقتو باتريزيا ريجاني اللي أدات الدور ديالها المغنية ليدي كَاكَا.

وكالة الأنباء الطاليانية نشرات رسالة ديال الورثة قالو فيها أنهم تضررو بزاف ملي صحاب الفيلم صورو باتريزيا على أنها “ضحية” واخا هي تحكم عليها بتدبير القتل ديال ماوريتسيو كَوتشي.

الفيلم اللي محيح في العالم غادي ينوض الصداع وغادي يبدا المخرج رحلة جديدة، اقدر توصل للمحاكم، مع الورثة اللي ماعجبهومش مضمون “House of Gucci”.

موضوعات أخرى