گود سبور//

يقدرو وداد تمارة تضيع لهم الثلاث نقاط اللي ربحوها فالماتش ضد الوداد الرياضي فالدورة الاولى من البطولة الاحترافية.

والسبب هو انهم لعبو لاعب موقف، وهو عماد باباس، اللي دخلوه وداد تمارة فالشوط الثاني ضد الوداد الرياضي، وهو عندو عقوبة التوقيف 4 الماتشات، كان خداها ملي كان كايلعب الموسم الماضي مع فريق أمل الجيش الملكي فالدورة الاخيرة من القسم الثاني هواة، فماتش ضد اتحاد طنجة، قبل ما ينتقل لوداد تمارة فالقسم الاول، ومازال ما استنفد العقوبة اللي عليه ملي كان فالهواة، ودخلوه وداد تمارة ضد الوداد الرياضي فالشوط الثاني من الماتش بين الفريقين اللي ربحوه وداد تمارة بنتيجة 3-1.

الوداد الرياضي ما قدموش اعتراض فالماتش على اللاعب ديال وداد تمارة، سي نو كانت الحمرا غادي تزمط تمارة، ولكن وداد تمارة يقدرو يتعاقبو بخصم نقاط الماتش وعقوبات اخرى، إلى تدخلت العصبة الوطني لكرة القدم الاحترافية كطرف.