گود سبور//

خلقو وداد تمارة اللي يالاه طالعين للقسم الاول من البطولة التحترافية، (خلقو) مفاجأة كبير فالدورة الاولى، وقدرو يربحو الوداد الرياضي فقلب ستاد دونور اليوم السبت.

وسالا الماتش بين الوداد الرياضي ووداد تمارة، بنتيجة 3-1 لمصلحة ولاد تمارة، اللي تحداو الحمرا فتيرانها وقدام جمهورها.

وداد تمارة بهذا الرباح حققو ثلاثة نقاط تاريخية فأول موسم للفريق فالقسم الاول، والوداد الرياضي بداو الموسم الجديد بخسارة صعيبة.

وديما عن نفس الدورة ونفس اليوم، ربحو النادي المكناسي الدفاع الحسني الجديدي بنتيجة 6-2، واتحاد التوارگة ربحو الفتح الرياضي فديربي الرباط بنتيجة 2-1.