كود احمد الطيب///

قرر مشجعين من الوداد باش اجمعوا مبلغ من لفلوس وعطبوه لوالدة المشجع الرجاوي لتعرض لعملية دهس بالسيارة في الخلاف لنسب بين بعض أعضاء الترات الرجاء وبعص الوداديين.

الحادث خلف غضب كبير لدى المشجعين الوداديين خصوصا بعدما عرفوا أن لدهس المشجع الرجاوي وهو من حبي الفريق الأحمر، وعرفوا الحالة المزرية للمشجع الرجاوي لدابا ناعس في امستشفى بالدار البيضاء.

وقروا اعونوا الوالدة ديالو بمبلغ مالي مهم باش احسوها بالوقوف ديالهم بجانبها إلى جانب مشجعين من الرجاء، خاصة أن المشجع الحالة ديالو صعيبة ومحتاج لمساعدة مالية كبيرة.

والخطير أن المشجع صاحب الفعلة لا يتوفر على رخصة سياقة، وتعتاقل من قبل رجال الأمن بعد الحادث، وغادي تكون عندو عقوبة خايبة في حال مبغاوش أسرة الضحية اتنازلوا على الشكاية ديالهم.

وكان الشجار عرف استعمال الهراوات وآلات حادة، وكانت النتيجة ديالو إصابات متفاوة الخطورة وشخص بين الحياة والموت، ولا زال في حالة غيبوبة.