الرئيسية > آش واقع > ودابا خاص النيابة العامة تفتح تحقيق راه تصريح خطير بزاف. الكورتي اللي ولى ملياردير ديال الاتحاد الدستوري الراضي: تعرضت لمحاولات اغتيال بالقرطاس وبغاو يديوني للحبس 5 المرات
17/03/2019 11:02 آش واقع

ودابا خاص النيابة العامة تفتح تحقيق راه تصريح خطير بزاف. الكورتي اللي ولى ملياردير ديال الاتحاد الدستوري الراضي: تعرضت لمحاولات اغتيال بالقرطاس وبغاو يديوني للحبس 5 المرات

ودابا خاص النيابة العامة تفتح تحقيق راه تصريح خطير بزاف. الكورتي اللي ولى ملياردير ديال الاتحاد الدستوري الراضي: تعرضت لمحاولات اغتيال بالقرطاس وبغاو يديوني للحبس 5 المرات

كود احمد الطيب الرباط ///

لبلاد كلشي فيها غريب وعجيب. واييه ادريس الراضي ديال الاتحاد الدستوري اللي كان كورتيي دالطاكسيات وولى اليوم ملياردير عندو ضيعات ووو قال على الدولة اللي ما قالو لا النهج لا العدل والاحسان لا اية قوى معارضة.

قال فحوار صوتي مع “اش كاين” باللي تعرض لمحاولات اغتيال بسباب مواقفو. اييه مواقفو. وقال حرفيا “تعرضت لاشياء كثيرة. حيدو لي الگوجونات داالروايض لطونوبيل. لاحو لي الروايض.
تضربت بالجاجة ديال الطونوبيلة بالقرطاس” باختصار كيقول الراضي باللي تعرض لمحاولة اغتيال.

الراضي اضاف باللي بغاو يساليو معاه باللي كاين وباللي جات عندو الفرقة الوطنية 5 المرات باش يديروه للحبس كيف قال. ما عمرنا عرفنا باللي الفرقة الوطنية كتدي للحبس. الفرقة الوطنية كتحقق باذن النيابة العامة. القضاء هو اللي كيصدر احكام

السيد زاد باللي هيجو الناس ضدو فمشاريعو ففيرماتو. السؤال اللي خاصو يتطرح. هاد النوع اللي خلقاتو الدولة وترفح فوقت قياسي تحول ولى يتهمها. وقال انو عرى كرشو فالبرلمان امام بنكيران اللي كيحترامو على هاد الاستهداف ديالو.

دابا باش وقع ليك هاد الشي كولو علاش ما عمرك قدمتي شي شكاية؟

الراضي مثلو الاعلى عما ما يبدو هو “سيدو محمود عرشان” احد اكبر الجلادين فالمغرب واللي عندو شي حزب. قال باللي مستعد يعطيه اغلى ما عندو.

ودابا خاص النيابة العامة العامة تفتح تحقيق على هاد الاتهامات للدولة. راه قالها واحد من الدولة.

موضوعات أخرى