كود – وكالات//

الملياردير الأمريكي Elon Musk قريب يحقق رقم ما سبق حتى واحد وصل ليه، بعدما ولات ثروتو مرشحة تفوت التريليون دولار، وهاد الشي يقدر يخليه أول تريليونير فالتاريخ.

الثروة ديال ماسك جاية بالأساس من الحصة الكبيرة اللي عندو فـTesla، وزيد عليها القيمة المتزايدة ديال SpaceX، اللي كيتوقع الخبراء توصل لرقم قياسي فالمستقبل القريب.

وخا هاد الفلوس ماشي كلها كاش فالبنك، حيث جزء كبير منها مرتبط بقيمة الأسهم، ولكن الرقم بوحدو كيبين لينا شحال راسمالو، وباش نتصورو كثر، إلى كان شي واحد كيصرف مليون دولار فكل ساعة، غادي يحتاج أكثر من مية عام باش تصرف تريليون دولار كامل.

إلى وصل ماسك لهاد المستوى، غادي تولي ثروتو أكبر من اقتصادات بزاف ديال الدول، بحال Taiwan وIreland وSweden وSingapore، وحتى South Africa اللي تزاد فيها.

إلى تحققات هاد التوقعات، غادي يولي ماسك أول ثريليونير فتاريخ