الرئيسية > تبركيك > مزال زايدين فيه وخا ناض عليهم الصداع سنين هادي.. مجرمين كيتكرفسو على الجمال وقهروهم بالبوتوكس والفيلر
09/12/2021 01:00 تبركيك

مزال زايدين فيه وخا ناض عليهم الصداع سنين هادي.. مجرمين كيتكرفسو على الجمال وقهروهم بالبوتوكس والفيلر

مزال زايدين فيه وخا ناض عليهم الصداع سنين هادي.. مجرمين كيتكرفسو على الجمال وقهروهم بالبوتوكس والفيلر

وكالات //

السلطات في السعودية دايرين حملة كبيرة على مسابقات الجمال الخاصة بالإبل واللي شي مراض كيديرو للجمال ديالهم البوتوكس والفيلر باش يربحو بيهم ويصورو بيهم الفلوس.

واستبعدات إدارة واحد الفيستفال فالسعودية أكثر من 40 جمل اللي لقاو ماليه مشبعينهم بوطوكس باش يبان وجه الحيوان مجبد ومنور، وكاين اللي ضربو ليه البراوات فالنيف باش يبان مكَاد.

وماشي غير هادشي، كاين اللي استخدمو هرمونات باش يقويو للحيوان العضلات ديالو وكبرو ليهم بعض الأطراف باش يبانو عاطين للعين، وغيرها من “اللمسات الاصطناعية” اللي قهرو بيها الجمال اللي كتشارك فمهرجانات خاصة بالإبل.

وذكر المنطمون ديال فيستفال “الملك عبدالعزيز للإبل”، في نسخته السادسة،  أنهم ماغاديش يتعاتقو مع وأي واحد حصل داير شي فعلة على الجمال ديالو وغادي يفرضو عليه عقوبات، وأكدو أن اللجنة الطبية المختصة بالمهرجان، اللي فيها اختصاصيين، غادي تقوم باللازم فيما يخص مراقبة وفضح هاد العمليات ديال “التجميل” اللي كتضر بالحيوان و التحقق من الحالة الصحية للجمال المشاركة.

موضوعات أخرى