كود الرباط//
كل واحد وهمو. البرلماني محمد السيمو، رئيس جماعة القصر الكبير، جا اليوم معطل لمجلس النواب باش يحضر لقاء لجنة القطاعات الإنتاجية لي كتعرف عرض لوزير الصناعة والتجارة رياض مزور.
السيمو واخا جا معطل، لقا بلاصة حدا الوزير واخا القاعة صغيرة، فاش لقا البلاصة أول حاجة دار طلب من بنتو زينب السيمو باش تصورو ويبان قريب من الوزير.
التصرف لي دار السيمو تعجبو منو شي نواب، خصوصا وأنه ديما غادي مع بنتو كيدور بها فاللجان ومعطاهاش الاستقلالية باش تختار فين تمشي وتكون حرة مستقلة.
السيمو يمكن باغي يورث التجربة البرلمانية لي عندو لبنتو.
