كود – El Faro de Ceuta//

لبارح السبت 13 دجنبر 2025، وخا البحر هايج بسبب عاصفة “إميليا” حاولو عشرات الشباب من شمال إفريقيا يعبرو من المغرب لسبتة بطريقة خطيرة مني دخلو عومان وسط البحر .

الليل كامل ديال السبت، تكبات مجموعة من الحراكة فيهم توانسة ودزايريين ومغاربة وهادشي خلا الحرس المدني الإسباني يستعمل جميع الوحدات باش يواجهو الضغط الكبير فالبحر، مع محاولات الحراكة باش يتخطاو لمواج العالية، مجموعة من المغاربة قدرو يسلكو عومان وخا البحر  هايج.

هاد الحادث كيبيًن الأزمة الإنسانية ديال الهجرة غير النظامية، وكيطرح تساؤلات كثيرة على سلامة المهاجرين وحقوقهم وسط هاد المخاطر البحرية الكبيرة، الوضع كيبين  الريسك لي كيواجهوه الحراكة بسبب غياب بدائل قانونية وآمنة، والضغط الكبير على السلطات فالحدود من البلدين.