الرئيسية > تبركيك > وحنا عندنا لشگر داير مابغى وحتى واحد ماهاضر معاه.. رئيسة النرويج ضربوها ببروسي بسباب خرق القيود الاحترازية ديال كورونا
10/04/2021 21:00 تبركيك

وحنا عندنا لشگر داير مابغى وحتى واحد ماهاضر معاه.. رئيسة النرويج ضربوها ببروسي بسباب خرق القيود الاحترازية ديال كورونا

وحنا عندنا لشگر داير مابغى وحتى واحد ماهاضر معاه.. رئيسة النرويج ضربوها ببروسي بسباب خرق القيود الاحترازية ديال كورونا

كود – وكالات//

البوليس النرويجي عطا غرامة لرئيسة الحكومة النرويجية، إرنا زولبيركَ، مبلغ 20 ألف كرونة (أي ما يعادل 2350 دولار) بسباب انتهاك  القيود المفروضة فالبلاد للحد من تفشي كورونا.

وقالت قناة “دويتش فيله” الالمانية، على موقعها، أن هذ الانتهاك كان خلال احتفال رئيسة الحكومة الترويجية بعيد ميلادها الستين، بشكل مبالغ فيه، بحيث دارت جوح حفلات ديال التزلج فاللخر ديال فبراير، شاركو فيهم عائلتها.

وفصلة مع عيد الميلاد، حضرو البوليس لواقعتين، وحدة فمطعم، ووحدة خرى عبارة عن تجمع لأشخاص من أجل تناول السوشي فمنزل مكري، وفيهم بجوج حضرو 13 حتى ل14 لشخص، فيحين التجمعات محصورة ف10 أشخاص.

واعتذرات زولبيركَ على هذشي، وقالت لقناة “إن آر كيه”: “كان خاص نرد البال.. واحد بحالي كيقول للآخرين كل يوم عن الحماية من الإصابة، كان خاص يكون على دراية أفضل بالقواعد”.

موضوعات أخرى

12/05/2021 00:00

رمضان وكونفينمون (الحلقة 27).. الممثل أمين الناجي فحوار مع “كود”: مازال عندنا نقص ف”السيتكوم”.. وحتى عمل فني مافيه إساءة غير اللي فيه الفز كيقفز