كود : الناظور////

إسبانيا الديمقراطية، التي يتساوى فيها البشر، غير خوا خاوي حقاش عندهوم المساواة محصورة فقط بين الاسبان زايدين عليهم السياح لي كيقدرو يدخلوا لبلادهم بلا فيزا، أما لي دايرين عليهم الفيزا كيعتابروهوم غير مساوين لهم وكيتعاملوا معاهوم بطرق مهينة.

وقد قام أحد نشطاء الفايس بتوثيق إعتداء على مواطن مغربي يعاني إعاقة جسدية، من طرف شرطي إسباني، وذلك بعدما أصبحت الاعتداءات على المغاربة من طرف الامن الاسباني شيء عادي تحت أنظار السلطات المغربية.

وأوضح الضحية أن الشرطي الاسباني هوى عليه بهراوة في يده التي تعاني من إصابة سابقة، ليتم نقله بعد ذلك بمساعدة مواطنين مغاربة إلى مستشفى كوماركار بمليلية.

هاد المواطن مشات على عينيه عجاجة، فلا السلطات المغربية غادي تحتج على الاسبان، ولا الاسبان غايعاقبو الشرطي حقاش نقابة اشرطة قوية بزاف وغاتوقف معاه، والضحية ماعليه إلا يكمد الضربة باش يخليوه يدخل لمليلية يخدم ويجيب 100 درهم فالنهار أو غادي يتحط فالليستة الكحلة وعمرو يحلم يدخل يلا مشا شكا.