كود الرباط//

فكل كارثة، كيبانو تجار المآسي والنصابة والمحتالين، كل واحد وطريقتو، ولكن الطريقة الأكثر وضوحا وغباءا هي شي وحدين ناضو فتحو منصات باش يجمعو فلوس، منها منصات على برا وطبعا كاين لي كيصيفط 2000 دولار لفوق ولكن حتى حد معارف فين كاتمشي.

نفس الشيء فالمغرب، فالفايسبوك عامر بهادشي، ها لي مشا للمناطق المنكوبة ويصور ويقول هاد الدوار خصو معاونة واللي عندو باش يساهم يصيفط.

وكاين عينة أخرى، وهي خطيرة كاتجمع التبرعات باسم العمل الجمعوي ومنهم من يدعي أنه ناشط أمازيغي، ويفبرك قصص مؤثرة فاللحظة للي كل مغربية ومغربي كتغلبو عاطفة التضامن فهاد الوقت.

الدولة بكل مؤسساتها طبعا من الأوائل لي كيتفاعلو مع اللي كيوقع فالتواصل الاجتماعي، دبا كاين حساب رسمي ممكن أي واحد يساهم، إضافة إلى أن الدولة قررت تعطي دعم مالي للأسر لي رابت ليها الديور واللي مهددة بالسقوط.

يشار بلي بنك المغرب قال فبلاغ رسمي أنه يمكن التبرع داخل المملكة عن طريق تحويل بنكي عادي أو فوري، أو الدفع نقدا، أو بواسطة شيك، عن طريق التعريف البنكي:

001-810-0078000201106203-18

وبالنسبة للقاطنين خارج أرض الوطن، يتم التبرع للصندوق عن طريق تحويل بكي، عبر الحساب المصرفي الدولي للمستفيدين:

MA64001810007800020110620318