وكالات //

بداو الخبراء من مؤسسة National Trust البريطانية، كيرممو واحد اللوحة فنية رسمها الفنان جوشوا رينولدز، لي عاش في القرن الثامن عشر وتوفي عام 1792.

على حساب ماقالت قناة “فوكس نيوز” الميريكانية فالمرممين تفاجؤوا بالظهور ديال “شخصية شيطانية” على اللوحة.

هاد اللوحة لي ترسمات قبل أكثر من 230 عاما، كتصور واحد المشهد من مسرحية شكسبير العنوان ديالهو هو هنري السادس (الجزء الثاني).

وكتسما اللوحة “وفاة الكاردينال بوفورت”. وكيصور فيها الفنان فيها الدقائق الأخيرة من حياة الكاردينال، ولي شافها الملك

ولكن بان من بعد أن شخصية خرا كانت شاهدة كذلك، ولي هو الوحش أو بطريقة خرا روح شريرة أو شيطان.

الوحش لي بان عندوا لنياب ووجه كيخلع، ومكنش كيبان حيت تخبا من طبقات ديال الصباغة.