الرئيسية > آش واقع > وجدة.. شيافر ديال طاكسيات صغار كايحتجو فـ طريق “زوج بغال”
04/08/2021 11:20 آش واقع

وجدة.. شيافر ديال طاكسيات صغار كايحتجو فـ طريق “زوج بغال”

وجدة.. شيافر ديال طاكسيات صغار كايحتجو فـ طريق “زوج بغال”

كمال لمريني – كود وجدة //

نفذ عدد من الشوافريا ديال الطاكسيات الصغار ف وجدة (الصنف الثاني)، أمس الثلاثاء، وقفة احتجاجية ف الطريقة المؤدية للمركز الحدودي “زوج بغال”، وذلك احتجاحا على حجز عناصر الدرك الملكي للطاكسيات وإيداعها ب المحجز البلدي.

وذكرت مصادر ل”كَود”، أن حجز الطاكسيات من قبل الجدارميا جا بسباب مخالفتهم للقوانين المعمول بها والمتعلقة بتجاوز المدار الحضري بدون ترخيص، ف حين كايطالبوا صحاب الطاكسيات بتوسيع المجال الحضري باش يمكن ليهم وصلوا الناس لمنطقة “زوج بغال”، فضلا عن إحداث مدار دائري عند انتهاء المجال الحضري.

وخلفات هذ الوقفة الاحتجاجية استنفار ف صفوف عناصر الدرك الملكي اللي هبطات ل مكان الاحتجاج، واستفسرات المحتجين عن سباب تنظيمهم لهذ الشكل الاحتجاجي، وكذا التعرف على المطالب ديالهم.

موضوعات أخرى