كود سبور- وجدة//

دايرين السلطات فمدينة وجدة حملة على صحاب المارشي نوار، وهذا الشي قبل ماتش المولودية الوجدية والرجاء الرياضي اللي ملعوب اليوم الجمعة فالتيران الشرفي فوجدة ضمن الدورة 30 والأخيرة من البطولة الاحترافية.

وحسب مصادر “گود”، فالسلطات الأمنية فمدينة وجدة دايرين حملة على صحاب المارشي نوار، اللي باغيين يستغلو ماتش الرجاء والمولودية الوجدية باش يبيعو وبشريو فتذاكر الماتش بشكل غير قانوني، وهي المحملة اللي تمكنت من خلالها السطات من اعتقال عدد من الأشخاص اللي كايتاجرو فالمارشي نوار، مع العلم ان التذاكر وصلت لأثمنة مرتفعة حيث التذكرة ديال 20 درهم ولات بـ120 درهم وديال 50 درهم ولات بـ200.

ومن المنتظر تعرف مباراة المولودية الوجدية حضور كبير لجماهير الفريقين، مع العلم ان النسبة الكبيرة من سعة الملعب تخصصت للجماهير الوجدية، و1500 تذكرة خصصة لجماهير الرجاء الرياضي الفريق الضيف.