الرئيسية > كود سبور > وجادة فرحانين بالمنتخب.. شكروا الجامعة ولقجع وبداو كيروجو لماتش ليبيا
03/10/2019 22:20 كود سبور

وجادة فرحانين بالمنتخب.. شكروا الجامعة ولقجع وبداو كيروجو لماتش ليبيا

وجادة فرحانين بالمنتخب.. شكروا الجامعة ولقجع وبداو كيروجو لماتش ليبيا

كود سبور//

وجادة فرحانين باستقبال مدينتهم الماتش ديال المنتخب الوطني ونظيره الليبي نهار 11
أكتوبر الجاري فالملعب الشرفي فوجدة، استعدادا للاستحقاقات القادمة.

الجمهور الوجدي استقبل قرار الجامعة بفرحة وارتياح وعبروا عن استعداد وجدة لاحتضان مباراة ليبيا في ظروف مناسبة.

وجادة نشروا فيديو شكروا فيه الجامعة ورئيسها فوزي لقجع وأكدوا فيه بلي الملعب الشرفي ارجع معلمة حقيقية ووجدة منطقة حدودية من حقها تحتضن مباراة المنتخب الوطني امام ليبيا فهاد الظرف بالذات. وقال أحد المشجعين أن الحلم اصبح حقيقة، وان وجدة والمنطقة الشرقية فيها جمهور كبير لي يمكن ليه يحضر بكثافة للماتش باش يشجع المنتخب الوطني واللاعبين.

الجمهور الوجدي بدا كيروج للماتش من دابا بتسجيلات وفيديوهات عن الملعب واهم المرافق لي كايتوفر عليها وارضيته، اللي أصبحت في حلة جديدة بعد إصلاحها، أما المدرجات، فرجعات مرقمة كلها واللوحات الإشهارية بدات كتركب. باختصار وجدة معبأة لهاد الماتش وجمهورها فرحان بالمنتخب الوطني.

الجامعة غيرت هاد المرة من استراتيجيتها بعدما برمجت الماتش ديال ليبيا فوجدة ومباراة المنتخب المحلي والجزائري فالملعب البلدي فبركان وماتش الغابون غادي يكون فوجدة، بعدما كانت كتختار باستمرار إما مراكش أو الرباط أو الدار البيضاء.

موضوعات أخرى