وكالات//

دايرا واحد الوثيقة مسربة بوم في السوشيال ميديا في ميريكان، وكتقول أن المغنية العالمية المشهورة تايلور سويفت غادي تفارق مع الحب ديالها، لاعب كرة القدم الأمريكية ترافيس كيلسي.

وجا في الوثيقة المسربة، لي نشراتها بزاف ديال المواقع، أن تايلور سويفت والحب ديالها، لي تحولات العلاقة ديالهم لبحال شي فيلم رومانسي، غادي يعلنو رسميا على الانفصال ديالهم النص فهاد الشهر.

وكتقول الوثيقة أيضا، أن الانفصال غاد يكون بشكل ودي وبلا مشاكل، وكل واحد غادي يحتارم لاخر كصديق.

ولكن المحامي ديال المغنية واللاعب المشهور نفاو الصحة ديال هاد الوثيقة وهددو أنهم غادي يرفعو دعوى باش يعرفو الجهة لي زوراتها.

دابا نتنساو حتى للنص فهاد الشهر باش نشوفو واش هادشي صحيح ولا لا.