الرئيسية > آش واقع > وبنعرفة تقصح بزاف من دعوة اللبار فالبرلمان باستقلالة حكومتو وتخبى ورا محمد السادس: وصول اول دفعة من اللقاح جواب ضد صيحات من خرج فالمؤسسات المنتخبة اللي شككو وشاعو الخوف
23/01/2021 11:30 آش واقع

وبنعرفة تقصح بزاف من دعوة اللبار فالبرلمان باستقلالة حكومتو وتخبى ورا محمد السادس: وصول اول دفعة من اللقاح جواب ضد صيحات من خرج فالمؤسسات المنتخبة اللي شككو وشاعو الخوف

وبنعرفة تقصح بزاف من دعوة اللبار فالبرلمان باستقلالة حكومتو وتخبى ورا محمد السادس: وصول اول دفعة من اللقاح جواب ضد صيحات من خرج فالمؤسسات المنتخبة اللي شككو وشاعو الخوف

كود الرباط ///

بنعرفة تقصح بزاف من تدخل عبد السلام اللبار رئيس فريق حزب الاستقلال فمجلس المستشارين الثلاث . الاستقلالي كان قال باللي الحكومة فاشلة وخاصها تستاقل بسبب تدبيرها الكارثي للقاح. بنعرفة ختار افتتاح المجلس الوطني لحزبو اللي كينعاقد اليوم وغادي يبقى حتى لغدا٬ باش يرد. 

وقال فكلمتو ان وصول اول دفعة للقاح البارح الجمعة “هو جواب على الذين ارادو بصيحاتهم وخرجاتهم في المؤسسات المنتخبة او خارجها اشاعة الخوف او اشاعة التشكيك في العمل الوطني الكبير والجماعي الذي يسهم فيه الجادون والمبادرون والصابرون تحت القيادة الرشيدة لجلالة الملك”.

هنا طبعا غير كيخربق. حكومتو كذبات. وزير الصحة خرج ف”تيل كيل” دجنبر اللي فات وقال بلادنا غادية تتوصل قبل نهاية العام  ب17 مليون دوز من لقاح ضد كورونا.  هادي ما هدرش بيه.

ثم علاش باش هاجم اللبار او غيرو بلا ما يسميهم جبد رئيس الدولة. بغى يتخبى وراء الملك. ردو كان ضعيف غير مقنع. 
هو براسو جا لمجلس المستشارين وقال باللي ما عارفش وقتاش جاي اللقاح وبعد 3 ايام وصل. هو براسو ما فراسو ما يتعاود

موضوعات أخرى