وكالات //

النجم العالمي جورج كلوني دار عيد ميلادو الرابع والستين بطريقة مميزة فوق خشبة مسرح برودواي، في عرض ناجح ديال المسرحية “ليلة سعيدة وحظ سعيد” فـ مسرح “وينتر جاردن” فـ نيويورك، وسط تفاعل كبير من الجمهور.

وتداولو الناس الصور ديالو وهو كايضحك وكايسلم على معجبينو قدام المسرح من بعد ما سالا العرض، وكايوقع ليهم على التذكارات، فجو احتفالي اللي جا مع ترشيحو لجائزة “توني” كأفضل ممثل فدور رئيسي، وهادشي مع أول ظهور ليه فـ مسرح برودواي.

كلوني كايتنافس على الجائزة فالدورة 78 مع نجوم كبار بحال كول إسكولا، دانيال داي كيم، وجون مايكل هيل. وهاد الخطوة المسرحية جات فواحد الوقت اللي مازال فيه كلوني متألق فنياً، من بعد أكثر من عشر سنين على زواجو بالمحامية، وكونو أب لتوأم غادي يكملو 8 سنين الشهر الجاي.